ചടയമംഗലം
ഗ്രാമ പഞ്ചായത്ത്

സുസ്ഥിരവും സമഗ്രവുമായ വികസനം വഴി ഒരു സ്വാഭിമാനപരവും സ്വയംപര്യാപ്തവുമായ ഗ്രാമീണ സമൂഹം സൃഷ്ടിക്കുക.
ജനങ്ങള്‍ക്ക് സേവനങ്ങള്‍ സമയ ബന്ധിതമായി നൽകുക.

ചടയമംഗലം ഗ്രാമപഞ്ചായത്തിന്റെ പൊതുവായ വികസനകാഴ്ചപ്പാടുകൾ (Development Vision) താഴെ പറയുന്ന പ്രധാന മേഖലകളെ അടിസ്ഥാനമാക്കിയുള്ളതാണ്.
1. കാർഷിക മേഖല
            പരമ്പരാഗത കൃഷിയും ആധുനിക സാങ്കേതികവിദ്യകളും സമന്വയിപ്പിച്ച് ഉത്പാദനം വർദ്ധിപ്പിക്കുക, തരിശുരഹിത പഞ്ചായത്തായി മാറ്റുക.

2. ടൂറിസം വികസനം

            ജടായു എർത്ത് സെന്റർ, വട്ടത്തിൽ വെള്ളച്ചാട്ടം തുടങ്ങിയ കേന്ദ്രങ്ങളെ കോർത്തിണക്കി പരിസ്ഥിതിസൗഹൃദ ഉത്തരവാദിത്ത ടൂറിസം വികസിപ്പിക്കുക.

3. അടിസ്ഥാന സൗകര്യ വികസനം

          എല്ലാ വാർഡുകളിലും മികച്ച റോഡ് സൗകര്യങ്ങൾ, കുടിവെള്ള ലഭ്യത, തെരുവ് വിളക്കുകൾ എന്നിവ ഉറപ്പാക്കുക.

4. സാമൂഹ്യക്ഷേമവും വിദ്യാഭ്യാസവും

    സ്കൂളുകളുടെ ഭൗതികസാഹചര്യങ്ങൾ മെച്ചപ്പെടുത്തുക, ഡിജിറ്റൽ പഠനസൗകര്യങ്ങൾ ഒരുക്കുക, പാർശ്വവത്കരിക്കപ്പെട്ട ജനവിഭാഗങ്ങളുടെ ക്ഷേമം ഉറപ്പാക്കുക.

5. സ്ത്രീശാക്തീകരണവും തൊഴിലും

        കുടുംബശ്രീ വഴി കൂടുതൽ സ്വയംതൊഴിൽ സംരംഭങ്ങൾ ആരംഭിക്കുക, തൊഴിലുറപ്പ് പദ്ധതി കാര്യക്ഷമമായി നടപ്പിലാക്കുക.

6. മാലിന്യ സംസ്കരണവും ശുചിത്വവും

     ഹരിതകർമ്മസേനയുടെ പ്രവർത്തനം ശക്തമാക്കുക, 'മാലിന്യമുക്ത പഞ്ചായത്ത്' എന്ന ലക്ഷ്യം കൈവരിക്കുക.